KOSHUIS / HOSTEL

Koshuislewe is gewoonlik sinoniem met jiggie kos en dodelike roetine, maar beslis nie Voortrekker se koshuis nie! Hier woon en werk ons almal gelukkig saam. Die kos word deur n rêrige sjef gemaak, roetine is lekker by ons, want dit leer ons onafhanklikheid en selfdissipline.

Elke middag en aand is daar vasgestelde studietye onder toesig van die koshuispersoneel, bestaande uit vier onderwysers en vier onderwyseresse, onder leiding van die koshuisvader, mnr. Gerhard Watkins.

Voortrekker koshuis word allerweë as van die mooiste beskou - dis nie net n gebou nie, maar n ware huis met pragtige gange waar ons kinders deel van n groot familie voel.

Dissipline word deurentyd met n ferm, maar oop hand toegepas. Leerders kan onder toesig baie sosiale geleenthede bywoon. So groei hul gaandeweg tot verantwoordelike en geballanseerde jongmense wat die volwasse wêreld met selfvertroue kan tegemoet stap.

Kom word deel van die room van die skool!!