Terugblik op die jaar van 2018


Voortrekker die tuiste van gelukkige kinders.

Bethlehem Voortrekker Hoërskool is nie net ‘n gebou nie. Dit is ‘n plek waar enige iemand die hartklop van gelukkige kinders kan voel. Binne hierdie grense vind elke unieke kind sy plek om deel te word van die groter Voortrekkerfamilie. Hier is eenheid in verskeidenheid die wagwoord.

Daar is beslis geen alternatief vir die gees wat by BVHS heers nie: een van akademiese uitnemendheid in ‘n gelukkige, lewenskragtige omgewing waar ‘n gesonde balans tussen akademie, sport en kultuur heers

Tradisie

Tradisie kweek Trekkertrots. In 2017 vier Voortrekker sy 115jaar-fees. Om ‘n ryke tradisie te hê van meer as 100 jaar, skep ‘n besondere trots by ons leerders en oud-Trekkers. Ons streepbaadjie is die heel eerste baadjie wat in SA geregistreer is as amptelike skoolkleure: 1928.

Voortrekker is ook lid van die SA Alumnibond. Ons oud-leerders is vir ons baie belangrik en waardeer hul insette in die vooruitgang van die skool.

Ons slagspreuk vir 2015 was: Voortrekker is die sleutel tot sukses. Dit word op talle gebiede bewys.

Akademie

Akademie is ons prioriteit en daarom bied ons aan ons leerders ‘n wye beroepsgrigte vakkeuse aan om aan meer as 90% van die leerders toelating tot tersiêre studies te bied. Jaarliks tel BVHS onder die Vrystaat se topskole wanneer die matriekuitslae bekend gemaak word en die personeel word beloon tydens die prysuitdeling van die Vrystaatse Onderwysdepartement. BVHS is ook ‘n komprehensiewe skool omdat daar ‘n volledige tegniese afdeling bestaan.

Interaktiewe borde en WI-Fi in alle klasse, maak die gebruik van tegnologie toeganklik. Op EXPO vir jong wetenskaplikes het ons 2 kategorie wenners en verskeie medaljewenners. Ons top tien leerders van graad 8 tot 11 word beloon met ‘n akademiese toer aan die einde van elke akademiese jaar. Hierdie jaar vlieg ons Kaapstad toe.
Bethlehem Voortrekker het in 2016 op vele terreine sy merk gemaak.

Sport

Atletiek:

Trekkers weereens een van die top atletiekskool in die Vrystaat.

Voortrekker se jaar het goed begin met ‘n suksesvolle voorseisoen wat atlete voorberei het vir 2018. Ons jaarlikse kleurbyeenkom het ons die geleentheid gegee om ‘n gedugte atletiekspan te kies, wat gesorg het dat ons Graanveld en Oos-Vrystaat oorheers het.

BVHS het ook die meeste medaljes op die Vrystaatkampioenskappe ingepalm (20 goud, 17 silwer, 13 brons), ‘n totaal van 50 medaljes. Die wil om te wen en met trots uit die stryd te tree, was in elke byeenkoms duidelik sigbaar. Nog ‘n hoogtepunt van die dag was die aflosse, hulle het die skare behoorlik op hul voete gehad. Voortrekker se aflosspanne het 8 van die 10 medaljes teruggebring Betlehem toe. Hannes Kruger en Dendré Aucamp is ingesluit in die SA-Skolespan en Hannes Kruger en Wynand Swanepoel het hulle Junior Springbokkleure verwerf.

By die jaarlikse Clover byeenkom was ons aangewys as die beste gekombineerde skool.

Voortrekker het ook die meeste atlete in die Vrystaatspan met 21 atlete, wat 4 medaljes by die Suid-Afrikaanse Kampioenskappe verower het ( Hannes Kruger – goud (gewigstoot) en brons (skyfwerp), Dendré Aucamp – goud (100m hekkies) , Lovell Loubser- goud (paalspring)).

Die jaar is ook gekenmerk deur talle rekords wat verbeter is. ‘n Fenomenale 72 rekords is verbeter gedurende die atletiekseisoen. BVHS het ook deelgeneem aan die Varsity Atletiekbeker waar ons as wenners van die Vrystaatbeen aangewys is.

Rugby

Bethlehem Voortrekker Hoërskool het in 2018 voortgebou op die sukses van die afgelope paar jaar.

Voortrekker wen drie van die Griffons Hoërskole rugbyligas en word 22 spelers gekies wat die Griffons-spanne op nasionale rugby -weke verteenwoordig. Voortrekker neem dan ook in die Wesgrow sentrale skolereeks en wen die reeks as algehele rugby skool oor 3 provinsies en 8 top skole

Die eerste rugbyspan het in 2018 ‘n suksesvolle seisoen met n 75% wen persentasie.

Gedurende die voorseisoen speel Voortrekker teen gerekende skole soos Garsfontein by die Blou Bul Prestige aand. Die span het ook in die Oakdale Rugbytoernooi deelgeneem waar hulle onder andere met St. Charles College en Kemptonpark afreken. Aan die einde van die liga eindig Voortrekker derde op die punteleer, maar verloor ongelukkig in die semi-finaal. Die span eindig uiteindelik derde in die Griffons-liga.

Aan die einde van die 2018 seisoen eindig die 4de , 0\15B en 0\16B spanne bo-aan die punteleer en verower sodoende hulle onderskeie Griffons-ligas.

Die o/15B , o/16B en 2de span wen die Wesgrow reeks

Die 0\16A en o15-Aspanne dring deur na die eindstryd. Beide spanne eindig as naaswenners van die Griffons –liga.

.

Hokkie

Uitstekende uitslae en prestasies is Voortrekker Hokkie se kenmerk. Suksesvolle hoërskool hokkietoernooie is aangebied.

In die 2018-seisoen het nege BVHS spanne deelgeneem aan die liga, waarvan agt spanne eerste in hul liga geëindig het.

Op provinsiale vlak het BVHS hul merk gemaak. 23 spelers is gekies vir Noord-Vrystaatspanne.

Vier uit vyf spanne neem deel aan die Vrystaatbeker. Die eerste meisies en 0/14A-hokkiespanne eindig 2de in die provinsie en die eerste seuns en 0/16A-hokkiespan eindig 3de in die provinsie.

Eerste meisieshokkiespan se deelname aan verskeie toernooie en hulle harde werk en dissipline het tot gevolg gehad dat ons eerste meisies onder die top 5 skole op die ranglys is en ook kwalifiseer vir die “Prestige” top 12-hokkietoernooi.

Die meisies hokkie wen 6 uit die 7 finale wedstryde in die Sentrale Sport Reeks en is dan die beste meisies hokkie skool in die Sentrale Sport Reeks.


Swem

Ope water swem: Vier leerlinge verteenwoording onderskeidelik die Vrystaat en Kwa-Zulu Natal by die Nasionale Ope waterswem kampioenskappe te Jeffreysbaai. Dertien van BVHS se swemmers neem aan die Midmar myl.  Robbie Hattingh word geïdentifiseerdeur Swem Suid-Afrika om deel te wees van die Nasionale Ope Water groep van 2018. Robbie Hattingh ontvang ‘n uitnodiging om aan “The Grand Bled Swimming Challenge (5km ope water swem) by die Olimpijski Veslaski Centre, Bled,  Slovenia deel te neem.

Gala: Tydens die jaarlikse Noord-Vrystaat Interhoër gala ontvang Voortrekker die volgende toekennings:  Beste 15 -16 jaar dogters, 15 -16 jaar seuns, 17 -19 jaar dogters 17- 19 jaar seuns. Voortrekker wen ook die Junior seuns Victor Ludorum, Junior dogters Victor Ludorum: en Senior dogters Victor Ludorum trofees. Voortrekker wen die seuns- en dogtersafdeling. Voortrekker is die algehele wenners van Noord-Vrystaat Inter Hoër gala. Voortrekker wen 6 van die 11 Aflosse asook 2 silwer en 1 brons.   BVHS-swemmers wen 21 Goud, 21 Silwer en 15 Brons individuele medaljes tydens die Interhoër. Voortrekker neem deel aan die Vrystaat Inter-distrikte skole swem te Bloemfonten en swemmers wen 4 Goud , 2 silwer en 3 brons medaljes. Swemmer ontvang ook die Senior dogters Victor Ludorum trofee. Twee swemmers kwalifiseer en neem deel aan die Level 2 streek kampioenskappe te Sasolburg. Verder het vier swemmers gekwalifiseer en deelgeneem aan die Level 3 streek kampioenskappe wat ook te Sasolburg gehou was. Een swemmer kwalifiseer en neem deel aan die Nasionale Junior kampioenskappe te Durban.

Tweekamp: Drie atlete neem deel aan die Tweekamp nasionale kampioenskappe te Pretoria.

Biathle: Een atleet neem deel aan die Nasioanale Biathle kampioenskappe. Marjolijn Visser word gekies om Suid Afrika te verteenwoordig in Ierland.

Netbal

Voortrekker netbal het weereens ‘n baie indrukwekkende 2018-seisoen opgelewer. Vanuit die staanspoor is weggespring met spesialis afrigting deur Burta de Kock van Kovsies, sowel as kondisionering deur Doret Badenhorst van Pukke. Ons A-spanne neem deel aan die jaarlikse Waterklooftoernooi wat ons spelers slyp en voorberei vir hul liga-seisoen. Al BVHS se A-spanne kwalifiseer vir die Vrystaatkampioenskappe nadat 3 van ons 4 A-spanne as liga wenners gekroon word.

During the Free State netball trials, 11 of our players were selected and included in provincial teams. At the All Ages tournament, 3 of our players were identified and placed under the top 35 squad for their respective age groups. This is an impressive achievement

Fietsry

Bergfiets is nog ‘n jong sport by Voortrekker. Die groep is ‘n jong, entosiastiese span. Die fietsryers neem aan verskeie wedrenne deel.


Krieket

Voortrekker het ‘n besonderse jaar op die krieketveld beleef. Daar kan met trots teruggekyk word op verskeie hoogtepunte wat die afgelope siesoen opgelewer het.

Die 1ste span, sowel as die o/15A-span neem met onderskeid deel aan die Goudveld-liga en albei spanne kon net-net nie daarin slaag om vir die finaal te kwalifiseer nie.

Die eerste krieketspan neem ook deel aan die nasionale Coca-Cola skole T20-toernooi en vorder tot by die semi-finale van die Vrystaatafdeling. In hierdie wedstryd tree die Trekkers met waardigheid uit die stryd teen St. Andrews – wat uitendelik gekroon is as die nasionale wenners.

Die 0/15A-krieketspan toer gedurende die Julie-vakansie na Grootvlei Sport Akademie in Pretoria en sluit hierdie toernooi onoorwonne af. Dit is duidelik dat Voortrekker nie net plaaslik presteer nie, maar op groter skaal ook.

Afgesien van die Goudveld-liga, neem ons tweede-, o/15B- en dogterspan deel aan die Oos-Vrystaatliga en kompeteer baie goed in hul onderskeie wedstryde.

Verskeie seuns word gekies vir Vrystaatspanne:

Ons sien beslis uit na wat volgende seisoen inhou vir Voortrekker-krieket.

Tennis

2018 het sommer van die begin af op ‘n hoë noot begin met ons tennisbane wat aan die einde van verlede jaar ‘n splinternuwe oppervlakte gekry het. Daar was ook afgeskop met ‘n indrukwekkende getal van 62 kinders, 35 seuns en 27 dogters. Reeds aan die begin van Februarie begin ons met daagwedstryde en word die nuwe tennisleër vasgestel. Nuwe graad sesse was gou touwys gemaak en het sommer gemaklik ingeskakel.

Oudergewoonte kon ons weer, teen die einde van Februarie, twee spanne na die Cradock-toernooi toe neem. Beide die dogters- en seunspanne het hulself goed van hul taak gekwyt en het BVHS met trots verteenwoordig. Ons het vanjaar agt spanne in die Oos-Vrystaat liga ingeskryf. Seuns en Dogters – A, B, C en D-ligas. Sewe van die agt wen hulle ligas.

Ons spelers het die Vrystaat-Oosleer, O/15 en oop-span, domineer het met agt spelers. Al agt spelers het Oos-Vrystaat gedurende Augustus in Klerksdorp verteenwoordig, met uitstekende uitslae.

Bethlehem Voortrekker Hoërskool was bevoorreg om van 6 tot 8 September die Limodo Inter Africa BHM Hoërskole Tennistoernooi te kon fasiliteer en deel te neem. Spanne van regoor die land het deelgeneem en weereens het die toenooi en ons deelname daaraan, seepglad verloop. BVHS skryf vyf spanne in. Ons seuns A eindig 6e uit 10 deelnemende spanne, Seuns B1 eindig eerste uit 17 spanne, Seuns B2 eindig 6e uit 17 spanne, Dogters A eindig 7 uit 10 spanne en Dogters B was naaswenners en eindig 2e uit 19 spanne. Trotse Trekkerspanne wen 78% van hulle wedstryde gedurende hierdie toernooi.

Kultuur

Op die kultuurterrein het ons regtig hierdie afgelope jaar gekook! Ons spog met ‘n nasionale wenner van 2 musiekkompetisies. Voortrekker is regtig soos ‘n fabriek as dit by pianiste kom! Selfs een van ons oud-leerders het ook hierdie jaar by ons prestige kultuuraand gesorg dat dit werklik ‘n kragtoer van talent was.
Chicago is nog op almal se lippe….en toe kom Mamma Mia in 2016! Hierdie musiekblyspele is ‘n hoogtepunt op ons kalender. In 2017 is dit Entagled. Hou die kalender dop.
Op nasionale vlak presteer ons redenaar. Daar word verskeie plekke onder die top 5 opgelewer en dring met debat deur tot op provinsiale vlak. Ons neem deel aan die Volksblad se Dink of Sink kompetisie asook aan die ATKV en Radikale Redenaars se projekte. Hier maak ons letterlik ons stem dik met die plekke wat ons los redeneer.
Voortrekker se SAASTA debatspan kom tweede in die Vrystaat waar wetenskaplikes redeneer oor oplossings vir die nasionale krisisse.
Tydens die afgelope kunswedstryd was daar byna 200 inskrywings vir die verskillende afdelings.
Ons leerders kan ook spel. Verskeie plekke word verower in die WOW spelkompetisie. Ook ‘n eerste plek nasionaal vir 2016.

Gemeenskapbetrokkenheid

Bethlehem Voortrekker is betrokke by verskeie uitreikaksies na die gemeenskap; deur ons betrokkenheid ploeg ons iets terug na n gemeenskap met ‘n oop hand vir ons skool – bv Pathways, hospice, kinder- en gesinsorg, CTK…om net ‘n paar te noem. Vir ons is dit belangrik om die kinders holisties te ontwikikel. Geestelike verrykingskampe en projekte word geloods bv. ons graad 9 kamp ens.
Checkers het ‘n nasionale Entrepeneurskompetisie aangebied vir hoërskole. Bethlehem Voortrekker is aangewys as Nasionale wenner in 2015. In 2016 doen ons dit weer met ‘n projek in samewerking met Checkers op Nasionale pannekoekdag.

Koshuis

BVHS is lankal nie meer net ‘n Vrystaatse skool vir Vrystaatse kinders nie. Met ‘n koshuis wat spog met puik geriewe, lok ons kinders van oral oor. Ons het ons koshuis uigebrei om vir meer kinders die geleentheid te bied om deel te kan word van Bethlehem Voortrekker se trots.

Ons ouergemeenskap is die hartklop van ons skool, met hulle lojale ondersteuning bereik ons skool groot hoogtes.
Bethlehem Voortrekker is ‘n skool waar verskeidenheid tot eenheid saamgebind word. “n Skool wat die toets van tyd deurstaan het…sedert 1902.


Leave a Reply

Your email address will not be published. Required fields are marked *